“Al fuòc de la libertat” lo novèl roman de Jòrdi Peladan

 

Avril de 1944 : En represalhas a una accion del maquís, una colona alemanda arriba a Sant-Estève de Val-Francesca. Los estatjants se son recaptats dins las masadas vesinas. Lo vilatge serà sagatat, lo castèl cremat.

10 d’agost de 2003 : En plen calimàs un  incendi gigant arsa quatre jornadas de temps de milerats d’ectars. D’ostals son amenaçats e lo monde devon fugir.

A seissanta annadas de distància, Pere viu los dos eveniments. Republican espanhòl, combatent de las Brigadas Internacionalas, occitan de la Val d’Aran, ensenhava los joves resistents de la Picharlariá, un maquís instalat prèp de Sant-Estève. Tre la liberacion, maridarà Miriam que, tot en fasent portaira, porgiguèt una ajuda preciosa als maquisards. Totes dos vivon dins lo mas de la familha de Miriam, es aquí que devon enfaciar l’incendi esglasiant. D’autres personatges espeliràn coma Brion, l’oncle de Miriam, mèstre d’escòla revocat per Vichí que creét lo maquís de la Picharlariá per ajudar sos ancians escolans refractaris al S.T.O. o encara Adrian, que, alara qu’èra presonièr en Alemanha i trapèt l’amor.

De tot aquò, l’autor ancorat per sas originas dins lo país ne pòrta testimoni dempuèi l’enfança fins a l’atge adult.

De comandar :

16 euros + mandadís eventual  4, 40  èuros

  • o al CAOC  Providència 42, Barcelona, 93 284 36 34  caoc@caoc.cat

 

 

Comparteix