Cronica de l’Escòla Occitana, darrièr jorn.

davL’escòla s’acaba… Lo darrièr jorn es a l’encòp esperat, per la granda fèsta occitano-catalana, e un pauc triste, perquè arriba la fin.

Los pichonets fan de pastissarià, amb plan bons pastissons de chocolat, que manjan totes ensemble dins la cort, invitant la familha e aqueles que se vòlon aprochar. Un fin d’escoleta doç e amical.

La vesprada mai esperada arriba amb un sopar barbacoa a la cort del licèu, los discorses del president de l’Escòla Occitana d’Estiu, lo Bernat Bergé, e la vicepresidenta del Cercle d’Agermanament Occitano-Català, Meritxell Pueyo. E tot seguit la musica e lo baleti per La Base Duo. Lo monde dansa e s’amusa plan e fan lo còp a l’estanquet, ont la charradissa es assegurada.
Aquesta nuèit es generalament corteta, cal profiechar la fin de fèsta. Deman tot serà acabat!

Meritxell Pueyo



Comments are closed.

Back to Top ↑