Dante e lo Sant Grasal

dante_thumbLhi romanç sal Sant Grasal son pro nombrós. Un motiu d’aquesta proliferacion lhi es e es que lo creator, l’autor dal romanç d’origina, Perceval ou le conte du Graal, era mòrt derant que polguesse finir lo romanç, en laissant donca d’espaci a l’elaboracion de possiblas conclusions e variantas ideaas da mai d’un escritor. Qui era aqueste genial escriveire, inventor dal Sant Grasal? Chrétien de Troyes, que visquet entre lo 1130 e lo 1190-91 environ.

Escriure de libres, a l’època, era un afar mai que mai costós. Donca un s’es pausat la demanda: qui avia interès a finançar aquesti romanç? Las responsas donaas da lhi estòrics son essencialament doas, diferentas, mas totas doas vàlidas, daus que regardon lhi dui divèrs romanç de Chrétien: lo Lancelot e lo Perceval.

Dante pren las distanças da la cultura dal Graal. Una des causas mai fascinantas de la literatura de la Commedia es lo far de confronts entre de personatges “confrontables”, es a dir que aien qualquaren en comun, e es pròpi d’aquesti confront que ven fòra, clar e inequivocable, lo pensier de dante. En aqueste cas lo confront es entre lhi luxuriós de l’Unfèrn e lhi luxuriós dal Purgatòri. Lhi premiers évocon Crétien de Troyes, dal temp qu’entre lhi seconds Dante encòntra lo que poleríem definir l’anti-Chrétien: Arnaut Daniel. Aquesti dui grands poètas venon deliberatament levats a símbol ren masque de dui estils literaris, de doas lengas diferentas, mas de doas culturas divèrsas e antagonistas. E Dante nos ditz quala es, a son avís, la bòna literatura e quala es la marria.

Legetz lo tèxt entièr.

Tirat de chambradoc.it



Els comentaris estan tancats.

Torna a l'inici ↑