Dimècres Universitaris Occitans e Catalans a Tolosa

12 Desembre 2018

D’especialistas d’universitats francesas e europèas venon presentar lors darnièrs trabalhs sus la lenga, l’istòria o la literatura occitanas o catalanas. Aquestes rescontres, dubèrts a totes, son organizats per la Seccion d’Occitan e la Seccion de Catalan de l’Universitat Tolosa-Joan Jaurès amb lo sosten del Celo (Centre d’Estudis de la Literature Occitana) e la Region Occitània (Pirenèus-Mediterranèa).

Las conferéncias son en francés, en occitan o en catalan.

L’entrada es a gratís.

Lo programa es tanben disponible sul siti consacrat a l’ensenhament de l’occitan a l’universitat Tolosa—Joan Jaurès (occitan.univ-tlse2.fr ) e sus Facebook (https://www.facebook.com/occitanUT2J )

Per aquesta onzena annada, los ensenhaires-cercaires de la Seccion d’Occitan e de la Seccion de Catalan de l’universitat Tolosa—Joan Jaurès prepausan, mercés a l’ajuda de la region Occitània (Pirenèus-Mediterranèa), un cicle de conferéncias que permet de rendre compte de la vitalitat de la recerca actuala sus la matièra occitana e catalana. Dempuèi lo lançament dels DUOC, de cercaires tolosans, franceses, europencs e americans, son venguts faire descobrir lo fruch de lors trabalhs a totes los esperits curioses que s’interèssan a çò que las recèrcas en sciéncias umanas pòdon produsir en tèrmes de coneissenças renoveladas.

Programa:

  • Dimècres lo 7 de novembre de 2018—Ostal d’Occitània. 11 carrièra Malcosinat. 31000 Tolosa. M° Esquiròl : Joëlle Ginestet (Universitat Tolosa—Joan Jaurès), La femna pantaissada de Valèri Bernard escrivan, pintre e gravaire (1860-1936) 
  • Dimècres lo 19 de decembre de 2018—Ostal d’Occitània : Jean-François Courouau (Universitat Tolosa—Joan Jaurès), Lo Rococo d’Oc 
  • Dimècres lo 23 de genièr de 2019—La Topina – Yan Lespoux—(Universitat Montpelhièr 3—Paul Valéry) : Man-bassa sul Felibritge ? Pèir-Loís Berthaud, l’occitanisme e lo Felibritge d’après sas correspondéncias entre 1947 e 1955. 
  • Dimècres lo 13 de febrièr de 2019—La Topina : Monique Sarazy : A l’entorn de D’entre tant, quauques uns
  • Dimècres lo 20 de març de 2019—La Topina : Georg Kremnitz—(Universitat de Viena, Àustria), La Renaissença occitana e la Renaixença catalana. Una comparason de 1800 fins ara. 
  • Dimècres lo 17 d’abrial de 2019—La Topina : Sebastià Samsó—Escriptor 

Lòc : Ostal d’Occitània, 11 carrièra Malcosinat, 31000 Tolosa, M° Esquiròl

X