Estrambòrd a la XX Dictada Occitana de Barcelona

MosaicDissabte 28 de genièr de 2017 s’es debanada a Barcelona la XX DICTADA OCCITANA, dins la sala de conferéncias del Departament de la Cultura de la Generalitat de Catalonha (Rambla de Santa Mònica, 8).

A balhat la planvenguda a totes la Directora General de Política Lingüística de la Generalitat de Catalunya, Ester Franquesa e la vicepresidenta del CAOC, Meritxell Pueyo. I an participat ueitanta (80) personas.

Òm ausiguèt d’en primièr un messatge e una salutacion de Bernat Vernhièras, professor d’occitan, seguida de la lectura de la dictada pel professor Vernhièras. És alara que comencèt lo concors, amb doas lecturas del tèxt de la Dictada faitas pels professors d’occitan del CAOC Jaume Figueras e Pere Jiménez.

Demèst los participants a la Dictada en Barcelona i èra Xavier Moral, lo cap d’afars occitans de la Generalitat de Catalonha; Ernest Rusinés, lo cap del Servici Lingüistic de CCMA (medias audiovisuals de Catalonha); e Pere Mayans, lo cap del Servici d’Immersion e Acuèlh Lingüistic de Catalonha.

La Dictada finida, una jurada compausada pels professors e pels ensenhaires d’occitan faguèt la correccion dels trabalhs dels participants. Après la Dictada, los participants poguèron gaudir d’un vespralh. A la seguida, lo cantaire Joan Codina, membre del grop de musica Mirabèl faguèt un concert de cançó e musica occitanas.

Fin finala, arribèt lo moment de conéisser los ganhants d’ongan. Los representants de la jurada legiguèron los noms dels diferents premiats, que son:

ADULTES

Primièr prèmi: Núria Pacheco

Segond prèmi: Joan Calsapeu

Tresen prèmi: Mariona Miret

DRÒLLES

Primièr prèmi: Pau Bofill

Segond prèmi: Joana Calsapeu

Tresen prèmi: Maria Garcia

PROFESSIONAL

Primièr prèmi: Jordi Ortiz

 

Lo primièr ganhants adult ganhèt, en mai dels prèmis balhats a aquel moment, una borsa per assistir a l’EOE ongan, e los altres classificats del concors aguèron de prèmis especials.

An collaborat a aquela edicion de la Dictada Occitana los Departaments d’Ensenhament e de Politica Lingüistica de la Generalitat de Catalonha, Edicions Barcanova, Fent País, Productes de la Terra, Espai Vilaweb, Pagès Editors, Publicacions de l’Abadia de Montserrat, Diari Ara, La Vanguardia, Fundació Enciclopèdia CatalanaAra Llibres, Sàpiens, Plataforma per la Llengua,  Òmnium Cultural,  CNPL Gràcia, Casa Graupera e Cerveses Moritz.

Tags: ,



Els comentaris estan tancats.

Torna a l'inici ↑