Forum Euroregional “Culturas popularas en dialòg”

affiche_formarta4_forum_v2Aprèp un primièr Forum en 2016 a Castèlnòu d’Arri (« Patrimòni e creacion »), lo CIRDÒC, la Fira Mediterrània de Manresa e Sa Xerxa – Fira de Teatre Infantil (FIET) convidan los actors culturals de tota l’Euroregion Pirenèus-Mediterranèa per una segonda edicion a l’entorn de las culturas vivas d’Occitània, de Catalonha e de Balearas, los 18 e 19 de mai al Pont de Gard.

Venètz participar a dos jorns de rencontre e d’escambis dins lo quadre del Forum Euroregional « Culturas popularas en dialòg / Cultures populars en diàleg » : conferéncias (Lo patrimòni cultural immaterial, enjòc cultural internacional…), talhièrs professionals ( a l’entorn de las tematicas claus del desvolopament territorial, de las arts vivas, musicas, danças tradicionalas…), de presentacions de projèctes innovants (Ethno Catalonia, Tot som una colla, Fédération Totemic…).

Los 18 e 19 de mai seràn tanben un temps de fèsta de las culturas d’Occitània, de Catalonha e de las Balearas, a l’escasença de l’edicion 2018 del festenal regional Total Festum. Lo Pont de Gard s’animarà aital de concèrts nombroses (amb Tato, Rubaïyales, Joana Gomila…), espectacles (descobrissètz la creacion Totemiade e los incontornables Castells catalans e totems lengadocians), animacions e jòcs… propausats al long de la dimenjada.

 

 

Programa complet dels dos jorns : fabrica.occitanica.eu/euroregion

Accès gratuit al Forum sus inscripcion alprèp del : info@cirdoc.fr / 04.67.11.85.10. e mercés al formulari accessible aquí.

 

 

 

 

 



Comments are closed.

Back to Top ↑