La Dintrada, encontre de l’occitanisme.

DintradaLa Dintrada es un encontre de l’occitanisme que serà lo rebat de nòstra implicacion e de nòstre engajament per la causa occitana.

L’objectiu d’aquela Dintrada, les 5 e 6 de setembre de 2015 a Port-Leucata, es doble : amassar les militants occitans per elaborar en comun un projècte global per Occitània, far causa comuna amb de membres de la societat civila que partejan las nòstras preocupacions, o que devèm encara convéncer.

La causa occitana se poirà apuèjar sus la Dintrada se ne fasèm un eveniment marcant, motor de cambiament e creator de reconeissença

Le desfís uèi, es d’amassar a l’entorn dels nòstres punts comuns e far converjar les promotors d’una transicion ont Occitània se dèu afirmar coma un motor.

Per que la Dintrada agèsse l’efècte que voldriam, nos cal nos mobilisar tots per debatre, s’exprimir, e causir ensèms le nòstre avenidor.

Se volètz coma nos, prene las causas en mans, nos podètz ajudar tre ara !

Vos convidam a prene un pauc de temps per far conèisser la Dintrada als vòstres pròches.

Programa complet

Mai d’informacions: www.ladintrada.eu

Tirat de La Dintrada



Els comentaris estan tancats.

Torna a l'inici ↑