Setmana de las Sabors a Puègnautièr

Ongan, la Setmana de las Sabors s’interessarà a las solanacèas. Aquò’s una granda familha : 98 genres e 2700 espècias. Nos limitarem doncas mai que mai a las patanas, las merinjanas e los pebrons que seràn l’objècte d’una mòstra originala.

Primièr rendètz-vos diluns 12 de novembre, a 7 oras del vèspre (sala de la tor) per una lectura-estrena amb tèxtes en occitan, francés, castelhan…

Dimècres 14 de vèspre (15h, Na Loba), Alan Roch dirà unas istòrias per manjar e tastar pels pichons e pels grands : Patana, Patanon e Pataneta.

A 6 e mièja del vèspre, a l’Ostal Sirventés (79, la Trivala a Carcassona), se debanarà un talhièr dobèrt d’occitan consacrat a las solanacèas ;

Dijòus 15, a 6 e mièja del vèspre (Na Loba), l’etno-botanista Josiana Ubaud balharà una conferéncia sul Viatges lexicals e geografics de l’ortalalha. Un sopar-tot solanacèas clavarà la setmana (en seguida de la conferéncia ; 12 €, sus inscripcion : 04.68.25.19.78 o ieo11@ieo-oc.org)

La Setmana de las Sabors es organizada per l’Institut d’Estudis Occitans d’Aude, lo Cercle Occitan del País de Carcassona amb lo sosten de la Comuna de Puègnautièr, del Conselh departamental d’Aude e de l’Ofici Public per la Lenga occitana. Participan egalament : lo Grop Aqüarèla, Ràdio-Lenga d’Òc e RCF-Pays d’Aude.

 

Setmana de las sabors a Puègnautièr : las patanas e las solanacèas

diluns 12, 19h, sala de la Tor : lectura-estrena

dimècres 14, 15h (Na Loba) : conte jove public amb Alan Roch : Patana, Patanon e Pataneta

dimècres 14, 18h30 (Ostal Sirventés) : talhièr-dobèrt de lenga

dijòus 15, 18h30, Na Loba : conferéncia de Josiana Ubaud : Viatges lexicals e geografics de l’ortalalha

dijòus 15, 20h30, sala de la Tor : sopar  (12 € ; sus reservacion : 0468251978 o ieo11@ieo-oc.org)

 

Doas ràdios participan al projècte: RCF-Pays d’Aude amb la difusion de 3 cronicas Als 4 vents (diluns 29 d’octòbre, 5 e 12 de novembre 18h30; en redifusion: dissabtes 3, 10 e 17 de novembre, 10 h; disponiblas en podcast) e Ràdio Lenga d’Òc Narbona amb las cronicas “Patanas e merinjanas” en multidifusion del 5 al 16 de novembre.

 

 

Alan Roch

 

 



Comments are closed.

Back to Top ↑