Tòrna lo Prèmi Ostana (Vals occitanas d’Italia)

premi_ostana_2Lo Prèmi Ostana, que n’es a sa novena edicion, se debanarà a Ostana del 1 al 4 de junh de 2017.

L’iniciativa nais de l’enveja de conéisser e de faire conéisser d’escriveires, de cineastas, de compositors que venon de divèrses cantons del mond e que a travèrs lors qualitats artisticas representan lor lenga maire.
Las lengas maires representadas al Prèmi Ostana an la caracteristica comuna d’èsser malgrat elas confinadas dins una condicion d’aver pas gaire d’oportunitat fàcia a la lenga dominanta dins lors Estats de referéncia. Per aquesta rason caduna d’elas encarna una especificitat e una biodiversitat de defendre, gardar, ajudar…

Per l’edicion 2017 del Prèmi Ostana son convidats d’autors de lenga Cabila, Innu, Nynorsk, galesa, occitana e un escriveire-artista.

Las antologias de las edicions precedentas del prèmi, e los materials audiò e video son publicats sus www.chambradoc.it

• Comitat organizator :
Giacomo Lombardo, President
Ines Cavalcanti ; Aurélia Lassaque ; Valentina Musmeci ; Valter Giuliano ; Fredo Valla ; Diego Corraine

• Mai d’informacions :
chambradoc@chambradoc.it – tel : 00 -39- 328-3129801 – www.chambradoc.it



Els comentaris estan tancats.

Torna a l'inici ↑