Concors de novèlas en occitan
Aficha 2016-2017
“Tota estabosida, es a fintar l’orguena granda jos la rosassa : coquin de sòrt, i manca un tudèl !”
Escrivètz la seguida !
Los bibliotecaris del Lector del Val (associacion de bibliotècas del Lauragués – sud-èst tolosan) organizan lor XIXèn concors de novèlas, dobèrt a totes e a gratís, fins al 21 de febrièr de 2017.
Per la cinquena annada, los escrichs en lenga occitana son planvenguts gràcias a la collaboracion de l’associacion Festa dÒc e de la Calandreta de Castanet-Tolosan.
Compta quatre categorias : primàri, segondàri, licèus, adults (los tèxtes collectius son permés se fan partida de l’ensenhament d’una classa tota). Lo tèxt dèu necessàriament començar amb la frasa çai-sus. Lo genre demòra liure : fantastic, policièr, sciéncia-ficcion, istoric, romanèsc, aventura, etc… o pas brica de genre que siá.
Totas las variantas de la lenga d’Òc son planvengudas, a carga pel participant de passar l’incipit dins sa varianta pròpia.
Lo president de la jurada es l’escrivan Alem Surre-Garcia. La remesa dels prèmis se debanarà lo dissabte 3 de junh de 2017 a Deyme, e la remesa dels recuèlhs de novèlas als autors es prevista per octobre de 2017 a Diagora-Labège. Un CD audiò dels melhors tèxtes occitans serà fargat en mai de l’edicion.
Lo reglament. Per mai d’entresenhas : info@lecteurduval.org ou tél. 05.61.00.51.16
o sus la pagina : http://www.lecteurduval.org/310-concours-nouvelles.html
Tirat de: Lecteur du Val
10-12 bd des Genêts – 31320 Castanet-Tolosan
Tél. 05.61.00.51.16 / biblios@lecteurduval.org / @lecteurduval