Jornada rescontre e festiva a Bretz
Comuna de Bretz
Una jornada occitana dubèrta a toes, un rai d’estiu a la fin de l’ivèrn!
L’Escòla Occitana d’Estiu vos convida a una JORNADA RESCONTRE e FESTIVA lo DISSABTE 11 de mars de 2016, a partir de 10h30, a BRETZ (a 30 km al nòrd-oèst de Tolosa) !
L’ocasion per vosautres que sètz jà venguts a las escòlas d’estiu o d’ivèrn de tornar véser amics, d’escambiar remembres e fotòs (vos doblidetz pas las claus USB !) ; l’ocasion de convidar amics per los far descobrir l’ambient de las nòstras escòlas.
E tanben, participar a una fèsta a l’entorn d’una mongetada, seguida d’una vesprada de contes, cants e musica, danças, per poder somiar… e plan digerir !
Al programa :
A partir de 10h30 : Adissiatz, benvenguts !
11h : Qué de nòu? escambis, charradissas, talhienòts de lenga.
12 h : aperitiu/projeccion fotòs d’escòlas d’estiu e d’ivèrn.
13 h : repais (mongetada, fromatge, pastís)
14h30 : contes, cants e musica, danças.
17h/17h30 : Al còp que ven, a l’escòla d’estiu !
Tarifa de la jornada amb lo repais : 17 EUR.
Se marcar abans lo 01/03/2017, per nos permetre de clavar l’organizacion.
Escòla Occitana d’Estiu (EOE-IEO 47)
05 53 41 32 43 / eoe@wanadoo.fr / https://fr-fr.facebook.com/escolaoccitanadestiu