Flors salvatjas de Perigòrd
20,00€ Impostos inclosos
Flors salvatjas de Perigòrd (tòme 1)
Amigas mespresadas
Joan-Loís Orazio
Tròp sovent quand tiram camin, en córrer o marchar viste, preocupats per la mesura del temps e lo comptatge de las cambadas, passam rasís elas sens quitament ne’n far cas. Pasmens, son aquí, estonantas e misteriosas ! Companhas silenciosas, amb lors flors, constituïsson un decòr incomparable.
Aqueste tòme 1 presenta las 8 familhas seguentas : Adoxacèas, Aloragacèas, Amarantacèas, Apiacèas, Apocinacèas, Araliacèas, Aristoloquiacèas e Asclepiadacèas. I trobaretz de flors salvatjas plan conegudas malgrat lor discrecion, per exemple l’angelica, la carròta salvatja, lo panicaut, la pervenca pichona…
A cada flor es consacrada una dobla pagina, illustrada en color per una fotografia de l’autor e una illustracion anciana ; la descripcion dona los noms de la planta en occitan, en francés, en latin e en anglés. Seguisson la descripcion botanica de la planta (e mai sos eventuals usatges), primièr en occitan puèi en francés.
A la debuta del libre, una introduccion (p. 8 a 54) sus la plaça de las flors dins l’evolucion, los diferents mitans naturals de Perigòrd, lo vocabulari botanic…
A la fin, un indèx alfabetic qu’amassa los noms dins las 4 lengas presentas dins l’obratge.
Bilingüe : tèxte occitan amb revirada en francés.
155 paginas
ISBN : 9782959073137
Novelum – IEO Perigòrd
Esgotat
