Lo leon e l’aucèl e d’autres racontes
7,00€ Impostos inclosos
Lo leon e l’aucèl e d’autres racontes. VVAA. 2021. CAOC
E es estat un plaser per nosautres de constatar lo bon acuèlh qu’a recampa lo concors, la responsa dels escrivans e de las escrivanas que i an participat e lo nivèl dels racontes recebuts.
Per aquesta segonda edicion del Concors, son estats vint e quatre los racontes mandats dins totes los parlars. Donc, lo nombre de participants s’es doblat, e tanben que la qualitat de la majoritat d’aqueles tèxtes —per rapòrt a la lenga, a l’estructura e a l’art de contar— es una evidéncia de las bèlas.
E constatam cossí, per un temps de pandemia que nos ten embarrats a l’ostal, los autors an aimat, risolièrs, de jogar sus l’umor. E capitan de nos far tastar lor plaser a l’ora de mestrejar una lenga amb una granda naturalitat, mirgalhada e petejanta, que paga larg sos fisèls, e a debanar d’istòrias qu’es un chale pel legeire de s’i daissar enrebalar. E que se passan al país o endacòm mai.
Recuèlh dels racontes finalistas:
✍ “Lo leon e l’aucèl”. Brigida Viginièr
✍ “Un diluns a la montanha”. Alan Vidal
✍ “Lo ponch roge de la lenga”. Paulina Louis
✍ “Raconte d’un brave Cap d’An… Una istòria d’abans la Covid”. Jean-Marc Rabier
✍ “Baticòr a la rococò”. Laure-Anne Caraty
✍ “Samià”. Eliana Tourtet
En estoc
