Peiraguda: Antologia
20,00€ Impostos inclosos
Peiraguda: Antologia
En 1977, causir de cantar en occitan èra pas de tan bon faire : i aviá longtemps que la lenga e la cultura d’òc èran estadas escanadas pel jacobinisme francés. Ça que la, Patric Salinié, Joan-Loís Garrigue e Joan Bonnefon se lancèron dins l’escomesa en fondant lo grop Peiraguda.
Se desmarcavan que cantavan plan mai que de tèxtes explicitament militants : cantavan tanben de cançons (dichas de varietat) d’una poësia chanuda. Per çò qu’es de lor estil musical, es resoludament fòlc : guitarras e voses, per la part màger de las cançons.
Vertat qu’al fial de las annadas, d’unes membres del grop cambièron, mas l’aventura contunha auèi…
Aquí avètz doncas una antologia dels tèxtes de lors cançons, amb reviradas e particions. Lo libre presenta los tèxtes de 103 cançons, en occitan e en francés, mai d’anecdòtas e qualques acòrds per los que los voldrián placar sus una guitarra o un piano (images 2 e 3).
D’unas de las cançons son ineditas, que foguèron pas jamai enregistradas, d’autras foguèron pas gaire cantadas, d’autras mai son d’adaptacions de cançons francesas, anglo-saxonas o espanhòlas, interpretadas dins d’escasenças especialas. La part màger d’aquestes tèxtes foguèron escrichs per Joan Bonnefon o Patric Salinié mas d’autres son l’òbra d’autors occitans coma Chapduelh, Chavaròcha, Lesfargues e maites. Las adaptacions fan apèl a Brassens, Cabrel, Nougaro…
Las musicas de las cançons de Peiraguda son mai que mai signadas per Joan Bonnefon e Patric Salinié.
Bilingüe occitan – francés
228 paginas
Novelum – IEO Perigòrd
En estoc
