Vent de sable

[…]
Un niflament furiós e una odor acra de fumada anonciet la ’ribada dau medecin Masdelbòsc, legista plan conegut per son umor macabre e sa propension a prener fuòc tres còps per jorn per causa de cigarretas rosselardas que laissavan tombar lutas e papier mau tuat sus de las chamisas traucadas come per dau pitit plomb tirat a bot tucant. « Merda, mas quo es Rodilha… » Eu tanben l’aimava bien lo vielh trainamisèria que ’viá menat de sab’ pas ente un pilòt de nhòrlas pebradas e vulgaras que lo medecin, a l’ocasion, aimava se far contar per las tornar dire quante, d’astre, era convidat dins lo monde. Despacientat, se doblet per dessús las bandas rossas e rojas e aguet lo mesme geste que Le Goff. « Filh de vessa, l’a pas mancat… » Son uelh, ’bituat a la misèria, aviá tanben conegut de las marcas de violéncia sus la chara desjà naturalament ben pro uflada dau paubre tipe. Deguet pertant esperar que los dos dançaires de claquetas aguessen ’chabat lor recòlta per rentrar sus la scena dau crime. Le Goff se desviret per pas veire las òrras manipulacions que lo medecin s’i liurava, aprep aver desfach lo badalhon.
Lo pitit Riublandon aviá desjà quauqua idèia sus çò que s’era passat.
[…]

Qui haïssait tellement le pauvre Rodilha, vagabond et indicateur préféré du commissariat de Maraval, au point de l’égorger sur un tas d’ordures ? Un étrange tatouage met le commissaire Darnaudguilhem sur une piste qui va faire émerger de vieux souvenirs.
Qui se rappelle du Bengara, ce bout de désert conquis par l’Occitanie au XIXème siècle ? C’est pourtant de là-bas que s’est levé un mauvais vent de sable.