Concors de novèlas del Lector del Val – fins al 11 de febrièr de 2021
“Aquel jorn, se n’èra anada vendre los uòus al mercat, coma cada dijòus”
Escrivètz la seguida !…
Las bibliotècas del Lector del Val (associacion de bibliotècas de Lauragués / sud-èst tolosan) organizan lor XXIIIen concors de novèlas (qu’es lo IXen en occitan), dobèrt a totes e a gratís, fins al 11 de febrièr de 2021.
Se pòt participar dins quatre categorias : primàri, segondàri, licèus, adults (los tèxtes collectius son permeses se fan partida de l’ensenhament d’una classa tota). Lo tèxte deu necessariament començar ambe la frasa çai-sus. Lo genre demòra liure : fantastic, policièr, sciéncia-ficcion, istoric, romanèsc, aventura, etc…Totas las variantas de la lenga occitana son planvengudas, a carga pel participant de passar l’incipit dins sa varianta pròpia, en grafia classica.
Se pòt tanben participar en francés, a partir de la frasa : “Ce jour-là, elle était partie vendre ses œufs au marché, comme tous les jeudis.”
La remesa dels prèmis se debanarà lo 29 de mai de 2021 a la bibliotèca de Montbrun-Lauragués (31), e la remesa dels recuèlhs de novèlas als autors es prevista per la davalada de 2021. Un CD audiò de tèxtes occitans causits per la jurada serà fargat en mai de l’edicion del libre.
Per mai d’entresenhas o per obténer lo reglament : info@lecteurduval.org
o sus la pagina : http://www.lecteurduval.org/310-concours-nouvelles.html, ont se fa tanben l’inscripcion.