Etiqueta: racontes

Lo CAOC ven de publicar un recuèlh dels racontes finalistas del “II Concors de Racontes brèus en occitan Enric Garriga Trullols”.

E es estat un plaser per nosautres de constatar lo bon acuèlh qu’a recampa lo concors, la responsa dels escrivans e de las escrivanas que i an participat e lo nivèl dels racontes recebuts.

Per aquesta segonda edicion del Concors, son estats vint e quatre los racontes mandats dins totes los parlars. Donc, lo nombre de participants s’es doblat, e tanben que la qualitat de la majoritat d’aqueles tèxtes —per rapòrt
a la lenga, a l’estructura e a l’art de contar— es una evidéncia de las bèlas.

E constatam cossí, per un temps de pandemia que nos ten embarrats a l’ostal, los autors an aimat, risolièrs, de jogar sus l’umor. E capitan de nos far tastar lor plaser a l’ora de mestrejar una lenga amb una granda naturalitat,
mirgalhada e petejanta, que paga larg sos fisèls, e a debanar d’istòrias qu’es un chale pel legeire de s’i daissar enrebalar. E que se passan al país o endacòm mai.

Lo CAOC profita per felicitar coralament los guierdonats, alara que vos mercejam totes per vòstra participacion, en tot vos anonciar que serà un plaser per nosautres de mandar una tresena edicion d’aqueste Concors aquest an 2022 (lo 1èr de febrièr).

Podètz trapar lo libre al CAÒC (Providència, 42, Gràcia, Barcelona).

Prètz : 7€. Mai d’informacion: caoc@caoc.cat