Tòrna lo Prèmi Ostana (Valadas occitanas)
“Una lenga n’es viva que se pòt donar vida a totas causas“. Joan Bodon
Après doas edicions en linha, a causa de la pandemia, lo Prèmi Ostana torna en presença del 24 al 26 de junh de 2022.
L’iniciativa nais de l’enveja de conéisser e de faire conéisser d’escriveires, de cineastas, de compositors que venon de divèrses cantons del mond e que a travèrs lors qualitats artisticas representan lor lenga maire.
Las lengas maires representadas al Prèmi Ostana an la caracteristica comuna d’èsser malgrat elas confinadas dins una condicion d’aver pas gaire d’oportunitat fàcia a la lenga dominanta dins lors Estats de referéncia. Per aquesta rason caduna d’elas encarna una especificitat e una biodiversitat de defendre, gardar, ajudar…
Los premiats de l’edicion 2022 son: Diego Marani (lenga-juec Europanto) – Prèmi Especial; Francho Nagore Laín (lenga aragonesa -Espanha) – Prèmi internacional; Rosalba Perini (lenga friulana) – Prèmi minoranças linguísticas estòricas en Itàlia; Bhuchung D. Sonamm (lenga tibetana – Nepal) – Prèmi joves; Stefania Maria Ciminelli (lenga catalana – Catalonha) – Prèmi traduccion; Paulina Kamakine (lenga occitana – França) – Prèmi lenga occitana; Marine Lavigne (lenga bretona – França) – Prèmi composicion musicala; Fredo Valla (lenga occitana – Itàlia) – Prèmi cinèma.
Lo programa complet es disponible en linha, sul siti : www.premioostana.it
• Comitat organizator :
Giacomo Lombardo, President
Ines Cavalcanti ; Maria Teresa Atorino; Beatrice Chiesa; Andrea Fantino; Flavio Giacchero; Amina Marini; Mariona Miret; Rosella Pellerino; Valentina Musmeci; Marzia Rey.
Ass. Chambra d’Oc, Espaci Occitan, Viso a Viso – Cooperativa di Comunità
• Mai d’informacions :
chambradoc@chambradoc.it – tel : 00 -39- 328-3129801 – www.chambradoc.it