Lètra d’una desconeguda, una polida revirada a l’occitan provençal
Lo passat divendres 18 de julhet faguèrem la dètz-e-novena session del Club de Lectura, dedicada al libre Lètra d’una desconeguda, d’Stefan Zweig en una polida revirada a l’occitan provençal facha per un misteriós «Chevalier dis Esperelas».
La session foguèt animada, amb una discussion viva entre totes los assistents perque es un roman que provòca aquesta reaccion entre los lectors. I a qui pensa que es una istòria d’amor pur, e i a qui pensa que la protagonista a una condicion mentala complicada. Escotèrem opinions un pauc de tot, perque i aguèt qui faguèt la descripcion medica de la protagonista, qui cerquèt Freud per trapar una explicacion a l’obsession que mena la vida de la femna, e qui pensava que la culpa era del romantisme que i a dins l’òbra. Parlèrem de l’existéncia de l’amor romantic e tanben de son inexisténcia. E mai parlèrem de feminisme, coma totjorn.
La passion que lo libre generèt a totes los lectors mòstra que es una òbra d’un escrivan considerat dels mai importants del sègle XX. Lo libre foguèt escrit en 1922 mas encara ara estrambòrda los lectors de totas las edats.
E ben, coma que avèm pas encara decidit qual serà lo libre de la session venenta, nos manca sonque de vos desirar bon estiu e bonas lecturas!
Dolors Català e Esther Lucea
Coordinadores del Club de Lectura
Ambe lo sosten de la Generalitat de Catalonha.