Universitat Occitana de La Guépia
Dempuèi 2002, l’associacion e sos benevòls organizan l’Universitat Occitana d’estiu de La Guépia : una setmana estivala animada per de cconferéncias, de talhièrs de lenga, de dança o de cant, de concerts, e d’encontras. Tot aquò, plan segur, a l’entorn de la lenga e de la cultura occitanas.
« La Guépia » es un luòc e un temps d’ensenhament, d’animacion, d’estudi, mas es tanben, una endevenença mannada de rencontres (e de convèrsas) improbables endacòm mai : los escolans dels corses pòdon parlar amb d’occitanofònes “naturals” del vesinat coma amb d’escrivans, d’intellectuals e d’artistas de renom, los vièlhs savis als joves lançats, la cultura sabenta rencontra la cultura populara, los estrangièrs rencontran los del país sus de questions d’istòria e de patrimòni. Tot aquò dins un ambient al còp estudiós e pausadís, amb los pès chimpats dins l’aiga de Viaur e d’Avairon, e amb la consciéncia d’aprestar, en primadièrs, l’avenir del país.
L’edicion 2017 de l’Universitat occitana de La Guépia se tendrà del 10 al 15 de julhet dins lo polit pichon vilatge de Tarn-e-Garona, sus las ribas de Viaur.
Al programa: Concors de racontes en lenga d’Òc, corses de lenga, rencontres, conferéncias, balètis, estagis de cant, talhièrs de dansa, de literatra, de revirada… N’i a per totes !
Tèxt tirat de: Lenga Viva