Acte d’Aumenatge a Robèrt Lafont

4 Desembre 2019

Acte d’Aumenatge a Robèrt Lafont, ena escadença des 10 ans dera sua mòrt, qu’aurà lòc en Auditòri deth Palai dera Generalitat de Catalonha, en Barcelona, entàs 18 ores dimèrcles, 4 de deseme de 2019.

Invitacion

Era Direccion Generau dera Politica Lingüistica deth Departament de Cultura qu’organize dimèrcles que ven, 4 de deseme, un acte d’aumenatge institucionau a Robèrt Lafont ena ocasion des 10 ans dera sua mòrt. Er eveniment aurà lòc entàs 18.30 ores, en Palai dera Generalitat.

Era conselhèra de Cultura, Mariàngela Vilallonga, presidirà un aumenatge a on i participaràn eth sindic d’Aran, Francés Boya, e era directora generau dera Politica Lingüistica, Ester Franquesa.

Era commemoracion començarà damb era projeccion d’un audiovisuau sus Robèrt Lafont, damb imatges fotografiques dera trajectòria de Lafont, libres e eth sòn poèma mès coneishut, Lo sol poder es que de dire. Eth director deth CIRDÒC – Institut Occitan de Cultura, Benjamin Assié, que harà ua intervencion sus “Era òbra e eth legat de Robèrt Lafont” e eth director dera Cagira d’Estudis Occitans dera Universitat de Lhèida, Aitor Carrèra sus “Robert Lafont e er occitanisme deth sègle XX”.

Er acte se clauarà damb ua interpretacion musicau deth Còr Acòrd, jos era direccion de Carles Vela qu’interpretaràn es pèces Julieta e Montanhes araneses, imne d’Aran e dera rèsta d’Occitània.

Inscripcions: https://bit.ly/2L4FaxT

Tèxt: Direcció General de Política Lingüística de la Generalitat de Catalunya

X