Cronica de l’Escòla Occitana, primièras jornadas
Dimenge 12 d’agost comencèt la 44a Escòla Occitana d’Estiu, que se debana dempuèi fòrça annadas a Vilanòva d’Òlt, dins l’Agenés.
A cinc oras dobrisson las pòrtas del licèu l’Ostal, defòra lo centre vila, e arriban los primièrs estagiaris de l’Escòla, ongan una vuitantena en aquest inici de setmana. Vint d’aquestes estagiaris son catalans, entre los qu’i a la professora de catalan a l’escòla, que mena lo CAOC.
Aprèp sopar a sèt oras e mièja, lo president de l’EOE presenta l’escòla, sustot pels novèls estagiaris, gaireben una quarta partida del totala. Tot seguit, clava la jornada lo baleti, menat per la musicaira Maud Séguier e amenizat pel professor de dansa aquí, l’Yves Séguier.
Diluns 13 d’agost
La setmana occitana comença.
A 8:45 s’amassan totes los estagiaris de l’Escòla, e los professors presentan son cors.
I a dos opcions de cors: lo cors normal (doas oras per jorn, de 9 a 11 oras del matin) e lo cors intensiu (6 oras per jorn, de 9 a 12 oras e de 2 a 5 oras del sèr). Aquestas doas modalitats an tanben de separacions per dialecte (ongan sonque lengadocian e gascon, per manca de professors dels autres dialectes) e per nivèl (nivèl debutant, mejan e confirmat).
Lo monde participa en aquestes corses menats per professors benevols, que s’adaptan als ritmes e besonhs dels escolans.
A mai d’aquestes corses i a l’Escoleta, que se debana de 9 a 12h15 e de 2 a 5 oras, pels mainatges de 4 a 9 ans. Entre eles i a dos catalans, de 4 e 5 ans.
A l’Escoleta fan de cançons, escriuen un pauc, fan manualitats, musica, jòcs tradicionals…
A 11 oras s’oferís un primièr talhièr, defòra los corses, de cant, menat per Yves Séguier. Es lo meteis professor qui mena tanben lo talhièr de dansas d’aprèp manjar, de 2 a 3 oras.
Pels estagiaris que fan lo cors normal al matin, a 3 oras començan los talhièrs: cal causir entre Toponimia occitana, Escotar e tornar dire (per aqueles que començan en la lenga), Passejadas per l’Agenés, talhièr de Lenga e Cultura Catalana (menat per una professora del CAOC), talhièr d’elaboracion d’instruments musicals…
A 5 oras s’acaban aquestes talhièrs e començan mantunas conferéncias cada jorn, plan interessantas.
A mai, dins l’escòla se tròba l’estanquet, lo talhièr de convèrsa interdialectal, doncas es lo luòc de trobada, de charrar, de se conéisser e de beure un còp!
A 7 oras, a la sala polivalenta, se debana la presentacion oficiala de l’Escòla, amb los parlaments del president de l’escòla, lo Bernat Bergé, e de qualques representants de la comuna de Vilanòva d’Òlt, del departament e del PLO.
Aprèp la parladissa, la comuna de Vilanòva convida a un aperitiu per tot lo monde.
Aprèp sopar la serada s’es passada en en vesent un film plan conegut, doblat a l’occitan, Paddington. Li cinemà se debana a l’exterior, a la cort de l’escòla. Lo temps acompanha pas gaire, amb de pluèja fina, mas totes dedins las terrassas(?) agacham aqueste film plan doblat e plan amusant. Seguidament, lo baleti de cada nuèit.
Meritxell Pueyo
