L’Universitat Occitana d’Estiu de La Guépia contunha en 2014, al còp dins la rega de las annadas passadas e amb de novèl.
Totjorn los corses del matin, amb Rogièr Carrié, Sèrgi Gairal, Renat Juriè, Murièl Vernhèras, Florenç Vialada, e las activitats coma de costuma.
Alargam l’ofèrta cultura : talhièrs de musicas e danças occitanas novèlas, rencontres amb de personalitats de la literatura, rencontres improvisats de musicians e des poètas juscas a las auretas, bal per totes, granda jornada de la paraula occitana d’un còp èra e d’ara.
E tot plen de suspresas.
Lenga
L’Universitat Occitana d’Estiu de La Guépia prepausa cada matin de corses e de talhièrs de lenga de quatre nivèls, segon las competéncias de cadun, totjorn dins un ambient d’escambis, perque sabèm que plan sovent les estudiants an un fum de causas a partejar a lors colegas e professors. Aquò es tanben valable pels talhèrs de traduccion ont Claude Sicre e Sergi Carles animaràn una reflexion amb lo supòrt d’un discors de Joan Jaurès e d’una cançon. Animaràn tanben un talhièr de traduccion a l’entorn dels jostitolatges del film Sounder projetat lo dimarç 8 de julhet. De mancar pas tampauc lo talhièr de Roland Pécout sus l’oralitat e l’escritura literària e jornalistica.
Conferèncias
a plaça serà reservada a las comemoracions dins aquela annada del centenari de la mòrt a l’encòp de Joan Jaurès e de Frederic Mistral. S’agis de se remembrar tant coma de tentar de’n sortir un eiretatge actualitzat amb una conferència “Frederic Mistral seria (encara un còp) d’actualitat ?” per Roland Pécout e Michel Buisson de l’associacion CREDD’O. Lo dijous 10 de julhèt a 18 oras una taula redonda acamparà Rémi Pech, Jean-Jacques Rouch e l’Associacion Jean Jaurès Espace Tarn abans la projeccion del film de Daniel Vigne “Qu’allez-vous faire de vos vingt ans?”.
Doas autras conferèncias faràn lo ligam amb lo territòri amb Josiana Bru que presentarà un expausat sus “La literatura orala, las colectas del segle XIX e Antonin Perbosc”, Christian Pierre Bedel sus “L’escòla e l’occitan en Avairon”. Una darrièra se vòl mai dirigida als neo-aprenents del mond anglofòne amb una “Descubèrta de la lenga e de la civilizacion occitana” per Patrick Hutchinson, en anglès.
Programacion culturala
L’encastre agradiu d’aquel vilatge al confluent d’Avairon e de Viaur, sertit de camps e de bòsques, susplombat per un espantant castel cargat d’istòria qu’apartenguèt al comte Raimon VII de Tolosa (que se podrà visitar en lenga nòstra), serà propici a l’expression de la lenga e de la cultura occitana amb una programacion rica. De talhièrs de dansa tradicionala (Corinne Giacomello) o « new trad » (Flore Sicre), un talhèr de cant (Manu Théron) e un de dub (Louis Pezet) e d’autres mai salvatges…
Aprenents e professionals se mesclaràn pendent los aperitius-concèrts (Christian Bouygues, Los Gojats, Doctors de Trobar, Manu Théron, Bassacada…). Dos eveniments particulars auràn per protagonistas lo grop Nou Sòrres en concèrt lo dimecres 9 de julhèt e las Bombes 2 Bal e sons convidats lo divendres 11 de julhèt amb entre d’autres Papet J, Arnaud Cance e lo trio Cocanha…
Lo fòra-programa, o disèm, lo programa bartassièr, es encara mai divèrs amb de rencontres informals amb los “filhs de” : Anne Castan, Janine Boudou, Jean-Guilhèm Rouquette, Anaïs Vaillant, Louis Lubat… los musicians de Zebda (Magyd Cherfi, Joël Saurin), Papet J, Padena, Eric Fraj e plan d’autres a l’entorn d’un picnic o d’una partida de petanca. Une setmana clavada per una granda “Fête du Patois” amb un fum de suspresas…
Cargar lo programa.
Tirat de: http://lengaviva.com/
