Concors de novèlas del Lector del Val

11 Novembre 2019

“Un títol gròs en primièra pagina… Estranhs ortalièrs dins l’òrt partejat !”

Escrivètz la seguida !

Las bibliotècas del Lector del Val (associacion de bibliotècas de Lauragués / sud-èst tolosan) organizan lor XXIIen concors de novèlas, dobèrt a totes e a gratís, fins al 6 de febrièr de 2020.

Lo concors prepausa quatre categorias : primàri, segondàri, licèus, adults (los tèxtes collectius son permés se fan partida de l’ensenhament d’una classa tota). Lo tèxt deu necessariament començar amb la frasa çai-sus. Lo genre demòra liure : fantastic, policièr, sciéncia-ficcion, istoric, romanèsc, aventura, etc… o pas brica de genre que siá.

Totas las variantas de la Lenga d’Òc son planvengudas, a carga pel participant de passar l’incipit dins sa varianta pròpia.
Se pòt tanben participar en francés, a partir de la frasa : “La nouvelle s’étale en une du journal… Drôles de jardiniers dans le potager partagé !”.

Per mai d’entresenhas o per obténer lo reglament : info@lecteurduval.org ou tél. 05.61.00.51.16.
o sus la pagina : http://www.lecteurduval.org/310-concours-nouvelles.html, ont se fa tanben l’inscripcion.

Entresenhas e reglament.

X