Concors de novèlas del Lector del Val 2025
“”Jamai aviá pas ausit quicòm aital. S’encaminèt cap a l’endreit d’ont veniá la musica”.
Escrivètz la seguida !…
Las bibliotècas del Lector del Val (associacion de bibliotècas de Lauragués / sud-èst tolosan) organizan lor XXVIIen concors de novèlas, dobèrt a totes e a gratís, fins al 6 de febrièr de 2025.
Se pòt participar dins quatre categorias : primàri, segondàri, licèus, adults (los tèxtes collectius son permeses se fan partida de l’ensenhament d’una classa tota). Lo tèxte deu necessariament començar ambe la frasa çai-sus. Lo genre demòra liure : fantastic, policièr, sciéncia-ficcion, istoric, romanesc, aventura, etc…Totas las variantas de la lenga occitana son planvengudas, a carga pel participant de passar l’incipit dins sa varianta pròpia.
Los ganhants seràn avisats per corrièr electronic. La remesa dels prèmis se debanarà lo dissabte 24 de mai de 2025 a la mediatèca de Donevila (31), e la remesa dels recuèlhs de novèlas e CD als autors es prevista per octobre de 2025.
Per mai d’entresenhas o per obténer lo reglament : info@lecteurduval.org
o sus la pagina : https://www.lecteurduval.org/310-concours-nouvelles.html , ont se fa tanben l’inscripcion.
Lecteur du Val
27 rte de Saint-Léon – 31450 NOUEILLES | Tél. 05.61.81.14.00
Courriel : biblios@lecteurduval.org
Site : http://www.lecteurduval.org | Portail : https://lecteurduval.bibenligne.fr | Twitter : @lecteurduval