David Grosclaude publica :« Los mots e lo baston »
L’ADEO publica un libre de David Grosclaude
– Los mots e lo baston, version originale occitana
Ua lenga qu’ei un objècte politic : Per aquesta rason que cau ua politica lingüistica publica tà l’occitan entà completar e ajudar lo tribalh deu monde associatiu. David Grosclaude que conta quin estó lèu convençut que lo combat en favor de la diversitat lingüistica ei ligat a la defensa de la diversitat biologica. « Que cau lutar contra l’escaloriment deu climat e contra l’en.hrediment culturau », çò ditz. Qu’ei ua question democratica màger.
En aqueste libe, David Grosclaude que conta tanben la soa experiéncia d’elegit regionau encargat de la lenga occitana. Qu’explica tanben quin decidí de har ua grèva de la hami en 2015. En lançar « Que n’i a pro d’estar mespresats ! » que demandava que l’Estat respectèsse los sons engatjaments pertocant la creacion d’un Ofici Public de la Lenga Occitana.
Tèxt tirat de: Vistedit / La Setmana