Festival d’Òc si gausas
L’associacion D’Òc Si Gausas que serà presenta deu 21 au 24 de julhet a las hèstas d’Ortès tà’vs prepausar ua seria de concèrts a gratis au contiengut eclectic e tostemps un servici de restauracion…
Que n’ei a la 4au edicion e que torna enqüèra au Patí.
Que trobaratz au programa deus 4 dias : cantèra, concèrts, contes bilingües e musicaus, aperitiu-mustra…
• Lo dijaus 21, l’obertura que’s harà a boca tiranta dab ua serada dedicada au cant polifonic :
– 18H : Cantèra d’obertura dab Cultura de Noste e convidats
– 22H : Concèrt dab Maishanta Lenga
– 00H : Cantèra
• Lo divés 22, la serada que serà artistica e electronica :
– 18H : aperitiu e mustra deu fotografe ortesian Sébastien Arnouts
– 22H : Concèrt de Zeze, poli-instrumentista basco qui mescla instruments tradicionaus e musica electronica
– 00H : DJ Leopard DaVinci, sons electros dab “samples funky”
• Lo dissabte 23, l’aperitiu e lo repaish que seràn acompanhats a mieidia peu grop d’Ortès Ass Bean. Lo vrèspe com de costuma ua animacion tà las familhas qu’ei prevista dab un conte bilingüe e musicau de Daniel Cabarry e Thomas Baudoin deu Collectif Ça-I. Lo ser que poderatz véder tres grops :
– 20H : Zinkaro, jazz manoish alternatiu
– 22H : Wec Family, fusion massiva
– 00H30 : Mauresca, reggae ragga hip-hòp
• Lo dimenge 24 au ser, qu’arcuelharàn tres grops
– 20H : ELT (Eric Lecordier Trio), swing manoish
– 22H : Koshiz, pòp mestissada
– 00H30 : Satya, reggae beat-box.
Restauracion cada dia, los dijaus e divés sers e los dissabte e dimenge mieidia e ser, dab menuts a 13€ taus adultes e 5€ taus mainats, enterpans, estanquet…
Totas las animacions que son a gratis.
Tèxt tirat: Ostal Sirventés