Jornadas 100% occitan 2012 al Fossat (Arièja)
La formacion per se perfeccionar en immersion.
Las jornadas 100% occitan 2012 se tengueràn al Fossat (Valèa de la Lesa, Arièja) del 7 al 10 de novembre. Una formacion de perfeccionament de 4 jorns.
Una formacion unica per se perfeccionar en immersion en çò de familhas occitanofònas de la valèa de la Lesa.
100% occitan = immersion totala
aculhits per familhas qu’an popat la lenga al brèç
210 € pels 4 jorns
gratuit en passant pel DIF*
Aquí lo programa detalhat. Per s’insciriure, cal escriure a UDAC.leFossat@gmail.com.
100% occitan? Qué vòl díser?
Enfin un endreit e un moment per viure integralament en occitan, dins un quadre ont la lenga se parla naturalament: una formacion d’occitan 100% en occitan.
Aquestas jornadas s’adreçan als professionals o futurs professionals, als estudiants o professors, als militants occitanistas o simples amoroses de la lenga: a totis les que parlan dejà occitan e que se vòlen perfeccionar.
Les que vengueràn a las Jornadas 100% OCCITAN vòlen parlar 100% en occitan e pagan per aquò. Se venètz, cal jogar le jòc.
Ténguer la lenga de l’ostal
Quin milhon endreit que l’ostal per aprénguer una lenga coma cal? Es per aquò que l’albèrgament dels estagiaris se farà en çò de familhas de la valèa de la Lesa que parlan un occitan de transmission familiala, “popat al brèç”.
Ont se passa?
Le Fossat es una vilòta de la valèa de la Lesa entre Tolosa e Foish. I podètz venir en automobila o en autocar. De Tolosa, prénguer la direccion “Foish, per la valèa de la Lesa”. Passar la Barta, Bèthmont, Sent Somplesi, Lesat e arribaretz al Fossat.
En vos marcant, pensatz a díser se volètz partejar l’autmobila ambe qualqu’un mès.
Tirat de: UDAC.leFossat@gmail.com | 05 67 44 35 27 | alfossat.wordpress.com