La Fèsta del Mèl i Tasta vins-chocolat a l’Ostal Sirventés
L’Ostal Sirventés, Carcassona
Son unes rendez-vos fòrça interessants e diversificats que vos prepausa lo Temps de Nadal a l’associacion occitana Ostal Sirventés (79, carrièra Trivala a Carcassona) per acabar 2016.
Aqueste dissabte 17 e aqueste dimenge 18 de decembre, a Carcassona, a l’entorn del Dòme, se debanarà una Fèsta del Mèl.
Doas intervencions occitanas son previstas :
– dissabte a 15h : Contes de mèl e d’abelhas amb l’Alan Roch. Una istòria de pòt de mèl entre lo rainal e lo lop ; l’abelha, pichona mas degordida ; …
– lo dimenge, a 11h : talhièr/conferéncia/tasta Cosinar lo mèl amb Mirelha Braç
Una tièra d’una dotzenat de recèptas a basa de mèl escritas en occitan serà disponiblas-.
A la tasta vins-chocolat organizada aqueste diluns 19 de decembre, a 19h, a l’Ostal Sirventés (participacion : 10 € ; demòra una sola plaça ; se marcar : 04.68.25.19.78 o ieo11@ieo-oc.org ), se beuràn los vins del Domòni La Tour Boisée de Lauran de Menerbés e se manjaràn los chocoalts de Nogalet (Luc d’Aude ; a Carcassona, tenon taulièr a l’espiçariá Chez Julien)
Tirat de: Ostal Sirventés