Mai de setanta participants sus la Dictada occitana de Barcelona
Premiats e jurada Dictada 2015
Dissabte 31 de genièr de 2015 s’es debanada a Barcelona la XVIII DICTADA OCCITANA, dins la sala de conferéncias del Departament de la Cultura de la Generalitat de Catalonha (Rambla de Santa Mònica, 8).
Aicesta DICTADA OCCITANA es estada presidida pel responsable d’afars occitans a la Direcció General de Política Lingüística de la Generalitat de Catalunya, sénher Xavier Moral. I an participat mai de setanta personas.
Òm ausiguèt d’en primièr un messatge e una salutacion de Bernat Vernhièras, professor d’occitan, seguida de la lectura de la dictada pel professor Vernhièras. Puèi, se faguèt la primièra lectura en Barcelona del tèxt de la Dictada d’ongan. És alara que comencèt lo concors, amb doas lecturas del tèxt de la Dictada, lecturas faitas pels professors d’occitan del CAOC Thiago Mori, Julien e Raquel Olivella.
Lo president de l’Academia d’Estudis Araneses, sénher Josep Loís Sans Socasau èra demest los participants a la Dictada en Barcelona.
La Dictada finida, una jurada compausada pels professors e pels ensenhaires d’occitan faguèt la correccion dels trabalhs dels participants.
Après la Dictada, los participants poguèron gaudir d’un vespralh. A la seguida, la cantant aranesa Alidé Sans faguèt un concert de qualques cançons occitanes.
Fin finala, arribèt lo moment de conéisser los ganhants d’ongan. Los representants de la jurada, Thiago Mori e Raquel Olivella, legiguèron los noms dels diferents premiats, dins las categorias de dròlles e d’adultes, que son:
- ADULTES
Primièr prèmi: Jordi Ortiz
Segond prèmi: Agustí Farran
Tresen prèmi: Ferran Hidalgo - DRÒLLES
Primièr prèmi: Àlex Benito
Segond prèmi: Laia Benito
Lo primièr ganhants de cada categoria ganhèron, en mai dels prèmis balhats a aquel moment, una borsa per assistir a l’EOE ongan, e los altres classificats del concors aguèron de prèmis especials.
An collaborat a aquela edicion de la Dictada Occitana los Departaments d’Ensenhament e de Politica Lingüistica de la Generalitat de Catalonha, Pagès Editors, Diari Ara, La Vanguardia, Gran Enciclopèdia Catalana, Publicacions de l’Abadia de Montserrat, Ara Llibres, Sàpiens, La Setmana, Plataforma per la Llengua, Associació Conèixer Catalunya (ACCAT), Òmnium Cultural , CNPL Gràcia, Moritz e Galetes El Rosal.
Qualques imatges
[alpine-phototile-for-picasa-and-google-plus src=”user_album” uid=”101363870037909949847″ ualb=”6112707239044977857″ imgl=”fancybox” style=”wall” row=”4″ size=”220″ num=”10″ align=”center” max=”100″]