Miquèla Stenta e son libre EU
Lo passat divendres 24 d’octobre faguèrem la vintena session del Club de Lectura, la del libre Eu, de Miquèla Stenta. Prepausèrem l’autora d’i participar, çò que faguèt la session plan interessanta.
Foguèt una session populosa, amb un grand nombre de legeires. Profechèrem per pausar fòrça questions a Miquèla. L’autora nos racontèt tota sòrta de causas del libre, de son òbra, de sa carrièra coma professora, de Sèta e de son engatjament amb la causa occitanista. Foguèt un vertadièr plaser de poder ausir son occitan mairal e de poder partejar amb ela.
Lo libre agradèt plan als participants. Es un libre pertocant que tempta de tornar construir la vida de son paire, mòrt quand ela èra una jovenòta universitària. Çò que fa es de causir pichons remembres per capitar a ne far un imatge de son paire. Aqueles son remembres familiars e sustot son de pensadas de Miquèla, es l’òbra d’una autora ja adulta que tòrna a son enfantesa e joventut e assaja de comprene. Aquò la fa pensar en lo fach d’èsser immigrant, en l’engatjament occitanista, en lo cambiament del ròl dels òmes, en las relacions familiaras… La lectura d’aqueste libre nos a laissat amb enveja de mai d’Stenta, çò que vòl dire que de segur que legirem qualqu’un autre de lors libres dins nòstre Club!
E per la session venenta avèm legit una autora aranesa. Lo libre es estat Jacinta, casa e país, de Pepita Caubet.
Dolors Català e Esther Lucea
Coordinadores del Club de Lectura