Mòstra de Cinèma Occitan “Llanterna Digital” 2012
La Mòstra de Cinèma Occitan “Llanterna Digital” nais dels prèmis de cortmetratges que ne pòrtan lo nom e vòl èsser un veïcul de difusion de la lenga occitana a travèrs de creacions cinematograficas.
L’edicion d’ongan ofrís una programacion divèrsa, tant per la procedéncia de las òbras que s’i projectaràn, coma per la tipologia de genres, d’estils e de tecnicas expressivas: de longmetratges que partejan l’ecran amb de cortmetratges, de ficcion amb de documentaris, e d’umor amb de vulgarizacion etnografica.
Per çò qu’es de la lenga, la Mòstra vòl èsser una veirina de las varietats de l’occitan, del gascon al vivaroalpenc, del lengadocian al lemosin o del provençau a l’auvernhat. Tot aquò son de formas d’expression pròprias dels divèrses territòris occitans e de las personas que las parlan.
Amb la volontat de venir una fenèstra d’ont poder aver una vision panoramica de la lenga e la cultura occitanas, a travèrs de creacions audiovisualas, la Mòstra 2012 comença al mes de junh la siá virada que passarà per mai d’onze endreits, fins a la fin de l’annada. La Direccion Generala de Politica Lingüistica del Departament de Cultura de la Generalitat de Catalonha organiza aquesta edicion amb la collaboracion d’institucions e d’entrepresas catalanas e occitanas que ne garantisson la preséncia en territòri occitan e catalan.
(Tèxt: www.llanternadigital.cat/mostra)
Endreits e datas:
Lleida: 19, 26 e 27 de junh
Viella: 27 e 28 de junh
La Seu d’Urgell: 30 de junh
Rodés: 23 e 24 de julhet
Ostana: 13 e 25 d’agost
Paesana: 17 d’agost
Cassà de la Selva: 14 de setembre
Tolosa: 18, 19 e 20 de setembre
Montalbà: 18 e 19 d’octubre
Besièrs: 25 d’octubre e 8 de novembre
Barcelona: 8 e 13 novembre
Mòstra de Cinèma Occitan 2012. Programa.