Rescòntres occitans en Provença 2015
Lei Rescòntres Occitans en Provença son duberts en totei
pichòts e grands, occitanofònes ò non, natius dau país d’òc ò non
simples curiós d’una lenga e d’una cultura desconoissudas ò saberuts de la question occitana; actors associatius urós de se rescontrar, d’escambiar, de confrontar, de comparar sei biais de faire, de l’i trobar l’envam e l’estrambòrd que lei sostendràn puei tot de lòng de l’annada dins son accion
benevòles ò professionaus; particulars que se vòlon faire plaser dins un luec de convivialitat occitana
.
Lei Rescòntres se vòlon : un luec de pratica volontarista de la lenga, d’ajuda a la formacion, de descubèrta de la cultura occitana dins tota sa diversitat
un luec de reflexion, d’escambis, de mesa en comun d’experiéncias e d’informacions, de projèctes, d’espèrs
un luec de rescòntre e de convivialitat.
Centre de Vacances « Le Rocher », Le Fugeret, commune d’Annot (04)
Lei RESCÒNTRES OCCITANS EN PROVENÇA de 2015 se debanaràn dau diluns 27 de julhet (acuelh a 19h) au diluns 3 d’avost (a 14h).
Entresenhas : 04 42 59 43 96 / 06 84 73 67 65 / pamoc13@gmail.com
(Organizats per l’Associacion “Escòla Occitana en Provença” en partenariat ambé l’IEO-CREO-Provença)
Deplegant + butletin d’inscripcion.
Tèxt tirat de: IEO 06