Sang e saba, una lectura pertocanta
Lo passat divendres 16 de mai faguèrem la dissetena session del Club de Lectura, dedicada al libre Sang e saba, de Joan-Claudi Forêt. Aguèrem l’astre que l’autor i participèt en linha, çò que permetèt als participants de li poder pausar tota sòrta de questions del libre.
Qualques dels participants a la session legiguèron la version catalana del libre, editat per Edicions 1984 e revirat per Joan-Lluís Lluís.
Totes los lectors, tant aqueles de la version originala coma los de la version catalana, gaudiguèron d’aquesta lectura pertocanta.
La session comencèt coma totjorn, e de’n primièr legiguèrem una pichona nòta biografica de l’autor e aprèp foguèt lo moment de legir un poèma sieu amb la revirada al catalan facha per Dolors Català:
Se pòt dire que la session comencèt amb los participants un pauc crentoses, i aviá un pauc de vergonha d’èsser los primièrs a parlar. Mas pauc a cha pauc, totes posquèrem de donar nòstre vejaire de la lectura. I a d’aspèctes de la lectura que a totes nos avian susprés o pertocat, coma l’inici tant dur amb tot çò que succedís a la familha del protagonista, la violacion de las presonièras o la tortura tant explicita que raconta. Tanben parlèrem del caractèr especial del jove protagonista, que amb sonque detz e sèt ans se laissa influir pas pel fanatisme religiós nimai per la violéncia que viu. Tanben parlèrem de la botanica e de l’espaci natural que descriu lo libre, un espaci e una plantas que es devina que son occitans. Las participacions dels lectors nos permetèron que unes als autres nos descobriguèrem fòrça de causas, coma un omenatge ocult a Joan Bodon, lo caràcter dualista de l’òbra entre lo regne vegetal e l’animal, e la comparason entre flors e femnas. Per çò que fa a aquesta comparason, l’autor nos confessèt que voliá pas ofensar cap femna, que sabiá pas çò que qualqu’un corrent feminista podiá pensar. Lo feminisme en general, sabèm pas çò que pensa, mas qualqu’una feminista assistent a la session diguèt que aviá pas trapat aquesta question coma ofensiva.
Foguèt doncas, una session tras que polida e plan profechada. Per çò que fa a la session venenta, legirem Sinèra d’Andrieu Lagarda. La lectura servirà de celebracion del sieu 100 anniversari que serà a finals de mai, lo vint e sèt. La session serà lo divendres 20 de junh, a 17 oras.
Dolors Català e Esther Lucea
Coordinadores del Club de Lectura
Ambe lo sosten de la Generalitat de Catalonha.