Teleòc
O avèm vist encara dimenge 27 de mai a Lodeva (34), l’occitan permet de se comprene entre franceses e catalans del CAOC de Barcelona.
De Lilles (59) a Madrid, i a doncas monde qu’aprenon l’occitan (lengadocian) mercé entre autres a Internet : corrièls, telefòn e site de Teleòc amb messatjariá, forums e chats.
Res qu’en França, i aguèt en abril en mejana 140 personas per jorn (!) interessadas per l’occitan que “cliquèron” sul site de Teleòc : www.teleoc.com
Mercé lo partenari de Teleòc, Google !
Teleòc es una associacion presidida per Danièl Lafont que sos membres son ensenhaires, artistas o poètas.
Maria-Cristina Borgada n’es la tutritz benevòla.
I a quatre nivèls seguissent l’Encastre Europèu de Referéncia per las Lengas :
A1 : Començaires
A2 : Confirmats
B1 : Literaris
B2 : Professionals (octobre 2012).
Lo CFPO permet cada annada als escolans de se situar dins aquels nivèls mercé a un examen, l’Escapolaire.
Maria-Cristina Borgada.