PRÈMI OSTANA Escrituras en Lenga Maire – Edicion online 2021
Nais dessot lo senh dal Partatge la XIII edicion dal “Prèmi Ostana: escrituras en lenga
maire”, que encara per lo second an consecutiu, a causa dal Covid 19 e de sas
consequentas restriccions, es idea sot forma d’eveniment especial online dins
las jornadas dal 3-4-5 de junh.
Tres jornadas especialas, abo un ric calandrier d’eveniments que veon la participacion
d’escriveires, cineastas, musicaires, linguistas, antropòlogs, recerchaires que provenon da
divèrsas parts dal mond e que an en comun l’interès per lhi drechs linguístics e la
consciença que la biodiversitat linguística es un di tèmas da promòure e partatjar a livèl
mondial. Afin que, bèla sus aqueste tèma, coma s’es já passat per d’autri tèmas coma
l’alimantacion e l’ambient, se pòle crear un moviment conscient que chambia l’imaginari
collectiu, actualament tròp sovent charjat d’estereòtips, sus aqueste tèma.
La forma online pòl favorir de connexions abo d’enstruments que permeton un’ocasion
d’eschambi e de confront per de lengas minoritàrias dal mond que de costuma an dificultat a
se reünir en presença per las grandas distanças geogràficas, de lengas diferentas, mas que
partatjon pro d’aspècts existencials e de problemàticas comunas.
La característica e l’engatjament d’aquesta edicion es de semóner una granda varietat
d’intervencions que representon lhi problèmas e las dificultats d’las lengas
minoritàrias/indígenas a livèl mondial abo divèrsas declinacions e temàticas.
Una possibilitat per traire d’ensenhaments tant sus la richessa d’las lengas dl mond coma
sus las problemàticas de nòstra contemporaneïtat, mas tanben un’oportunitat conoissitiva
que aquestas lengas pòlon representar en veïculant lo pensier e la cultura.
Las lenga quiton pas de crear e vivon lor contemporaneïtat dins un present que de bèl avant
condiciona tuchi e manquarèn pas de fach las questions dubèrtas a propaus di drechs
linguístics e umans, lhi chambiaments climàtics, lhi drechs e lhi devers a propaus de l’abitar
un territòri.
L’importança dal tèma d’las lengas ental mond es decò explicitat da las mesmas Nacion
Unias, que an proclamat lo Decènni Internacional d’las Lengas Indígenas 2022-2032.
Second l’Unesco lhi a 7000 lengas corentement parlaa ental mond e d’aquestas lo 40%
environ es en dangier.
Nombrós e variats son lhi tèmas afrontats dins aquesta tretzena edicion: lengas eréticas,
lengas sòrres, la lenga da l’inconscient, la lenga di secrets, én s’interrogarè se la cultura es
un drech uman, s’anarè a la recèrcha de un’arpa perdua, s’atraversarè un pònt de sòns que
unís una nacion espanteaa, s’afrontarè la question de coma se transmet una lenga e de çò
qu’es la neo-oralitat. Lo tèma di drechs linguístis serè totjorn present.
Tot aiçò e pro d’autre al Prèmi Ostana abo l’intencion de jónher aquesta molteplicitat a
travèrs lo fil conductor dal Partatge: coma lo fil d’una teissidura que dissolv de labirints e
permet d’encòntres en formant una muda partatjaa malgrat las distanças e las diferenças.
Un il que se fai muda, una moltituda, un’estructura complèxa mas liaa. Diversitat qu’es
richessa en sé e que se definís dins l’encòntre e lo confront.
Programa: Escrituras en lenga maire EN PARTATGE – Eveniment on line
Nota de premsa (català).
Tèxt: Premio Ostana