Avèm ja los premiats del “IV Concors de racontes brèus en occitan Enric Garriga Trullols”
Sèm arribats a la fin del IV Concors de racontes brèus en occitan ENRIC GARRIGA TRULLOLS.
Per aquesta quatrena edicion del Concors, son estats vint-e-sièis los racontes recebuts –, arribats dels quatre caps d’Occitània e de Catalonha, e mai d’endacòm mai, coma Galícia o París.
E sèm uroses de notar un còp de mai la qualitat requista d’un bon pro dels tèxtes mandats, tant per çò qu’es l’expression, dins una lenga petejanta e mirgalhada que lo legeire pòt pas que se regalar a la legir e se daissar menar de la man per ela, coma pel biais dels autors, que mestrejan l’art de debanar lors invencions e vos pivelar.
E uèi avèm ja los premiats. E ne profitam per felicitar coralament los guerdonats, alara que vos remerciam a totes per la vòstra participacion, en tot vos anonciar que será un plaser pel CAOC de mandar una cinquena edicion d’aqueste Concors per l’an que ven.
Podètz consultar aquí l’acte de la Jurada amb los noms dels premiats.
Lo prèmi serà autrejat dins un acte public lo 7 de junh de 2023. L’acte tanben se tendrá en linha. Los guerdonats e finalistas seràn avertits per corrièr electronic.