Club de lectura Verd Paradís I, una session memorable
Lo passat divendres 23 de decembre faguèrem la vint-e-unena session del Club de Lectura. Legiguèrem Verd Paradís I, de Max Roqueta. Aquel libre a una edicion amb la version originala en occitan e mai la revirada al catalan facha per Jaume Figueras. Çò nos balhèt l’oportunitat de pausar a Jaume tota sòrta de questions de la revirada.
Aprenguèrem plan de causas en aquesta session, perque Jaume profechèt per nos racontar fòrça detalhs biografics e bibliografics de l’autor. Mas tanben totes posquèrem balhar nòstre vejaire de la lectura e mai de dire çò que pensàvem del paradís que planteja l’òbra. Per çò que fa als tèxtes, «Autbòi de nèu» e «Lo bon de la nuòch» foguèron los preferits de totes. Mas tanben mostrèrem estrambòrd pels racontes «La mòrt de Còstasolana», «Lo singlar», «Jiròni o los camins del cèl», e «Lo camp de Sauvaire». I aguèt encara temps per conversar de l’ambicion literària de Max Roqueta, ja present en aquesta primièra òbra narrativa, de la preséncia de la mòrt dins las narracions e de com lo desiri sexual va sempre associat a la mòrt. Tanben parlèrem sus coma los personatges coma Sauvaire son reconeissables pels catalans, e arribèrem a la conclusion que benlèu totes aviam conegut un cas coma lo de son camp.
Lo resumit es brèu: foguèt una session memorable!
E remembratz, per la session venenta, lo 6 de març, legirem lo libre Cardo, escrit per una jove autora marselhesa, Sara Laurens. Vos animem a lo legir, val lo còp!
Dolors Català e Esther Lucea
Coordinadores del Club de Lectura