XXIX Dictada Occitana – Barcelona
Dissabte 31 de genièr de 2026 s’es debanada a Barcelona la XXIX DICTADA OCCITANA, dins la Sala d’Actes del Departament d’Educacion de la Generalitat de Catalonha (Via Augusta 202-206). A balhat la planvenguda a totes Pere Mayans, Cap del Servei de Suport i Recursos Lingüístics de la Generalitat de Catalonha; Jordi Suïls, director dels Serveis territorials de Política Lingüística de l’Alt Pirineu, Aran i Lleida e la Presidenta del CAOC, Esther Lucea.
Ongan i an participat 70 personas. Demest las qualas, un grand nombre de joves e de mantunas procedéncias.
La Dictada se debanèt coma d’abituda, e per segond còp avèm causit tanben un tèxte en varianta aranesa. Los participants escotèron tres lecturas de cadun dels tèxtes de la Dictada. La lectura de Contes de la Calandreta foguèt facha pels professors d’occitan Raquel Olivella e Jaume Figueras. E Jacinta, casa e país foguèt dictat pels professors Manèl Zabala e Ferriol Macip.
La Dictada finida, una jurada compausada pels professors e pels ensenhaires d’occitan faguèt la correccion dels trabalhs dels participants. Après la Dictada, los participants poguèron gaudir d’un vespralh. A la seguida, danças occitanas e aprèp, 17 oras, un concèrt amb lo musicaire de musica occitana Joan Codina Vila.
Fin finala, arribèt lo moment de conéisser los ganhants d’ongan. Los representants de la jurada legiguèron los noms dels diferents premiats, que son:
ADULTES
Primièr prèmi: JOAN FIBLA SANCHO
Segond premi (Dictada occitan estandard): LEWIS DREW NEWCOMBE
Segond premi (Dictada aranés): ARNAU GÜELL BRUGUÉS
Tresen premi (Dictada occitan estandard): IGNASI PLANAS VILLALBA
Tresen premi (Dictada aranés): MIQUEL VILA GONZÁLEZ-PINTO
JUVENIL
Primièr prèmi: ORIOL TERÉS PUEYO
Segond prèmi: IRIS TERÉS PUEYO
Tresen prèmi: MARC HAMSHERE I CASACUBERTA
Lo primièr classificat adult (aquel que faguèt mens dècas als dos dictats) ganhèt, en mai dels prèmis balhats a aquel moment, una borsa per assistir a l’EOE ongan. Aguèron tanben un prèmi especial los que faguèron mens dècas al dictat de caduna de las variantas. Lo melhor classificat del Dictat aranés ganhèt un còrs d’occitan referencial al CAOC. Lo melhor classificat en referencial, ganhèt un còrs d’aranés a la UB. Los autres classificats del concors e totes los participants aguèron tanben de prèmis.
An collaborat a aquela edicion de la Dictada Occitana los Departaments d’Educacion e de Politica Lingüistica de la Generalitat de Catalonha. Serveis Lingüístics UB. DIBA. Grup62, Publicacions Abadia de Montserrat, Éditions des Régionalismes, L’Aucèu libre, Pagès Editors, CNL Barcelona-Gràcia, Fent País Cooperativa, Plataforma per la Llengua, Òmnium Cultural, Lo Grelh Roergàs, Edicions Reclams, Sàpiens Publicacions, Festival Barnasants, Ben Aisit, Centre Artesà Tradicionàrius, Vent Terral, Ostal Sirventés, Edition Edite-moi, IEA-AALO, IEO-Ideco, Jornalet, Voliana Edicions, Edicions Sidillà.