Cronica de l’Escòla Occitana, talhièrs.
Cada jorn nos es mai malaisit de nos desrevelhar al matin. Lo monde va pauc a pauc dejunar.
Los corses contunhan. Lo nivèl lengadocian mejan normal jòga a cartas en occitan. Lo monde s’amusa, practica la lenga e aprèn.
L’escoleta fargan un autre instrument de musica, cona un corn, e fan de pèrlas d’aiga al matin; e jògan a jòcs tradicionals collectius al sèr.
Aprèp manjar, de 2 a 3 oras del miègjorn, un desenat de personas participan al talhièr de dansas occitanas. Uèi quitament una pichona catalana de l’escoleta, Iris, i participa tanben. Dansa plan, e totes s’amusan plan! Acaban en preparar una cançon, una dansa amb de padenas, per a la serada dels estagiaris.
Los talhièrs se debanan coma totjorn. 15 personas son uèi al talhièr de catalan, ont cantan e dansan una cançon modèrna e cantan una autra de reivindicativa ensemble amb los catalans. Vaquí la preparacion del talhièr e dels amics catalans a la serada d’anuèit.
Acabats los talhièrs se debanan uèi tres conferéncias interessantas (veure fotò en fichièr adjont).
A sèt oras del ser, la representanta del licèu que nos alberga, L’Oustal, convida a un aperitiu, après un pichon parlament, totjorn en occitan. Cada annada melhor! Òsca e mercés.
La nuèit es agradiva e amusanta. A la sala polivalenta se debana la serada dels estagiaris, ont cada cors a preparat un quicòm a far per lo mostrar als autres: pichons poèmas, cançons, dansas… Lo monde se regala.
Los catalans collaboran en cantar Tot el poble cantarà, e ajudan per dansar la coreografia preparada al talhièr de catalan. Tot lo monde s’amusa plan, i a bravament un bon ambient.
Meritxell Pueyo