Dictada Occitana 2023
Dissabte 28 de genièr de 2023 s’es debanada a Barcelona la XXVI DICTADA OCCITANA, dins la Sala d’Actes del Departament d’Educacion de la Generalitat de Catalonha (Via Augusta 202-206). A balhat la planvenguda a totes Pere Mayans, Cap del servei de suport i Recursos Lingüístics de la Generalitat de Catalonha, e lo President del CAOC, Francesc Sangar. Seguida de la salutacion virtuala de Francesc-Xavier Vila, Secretari de Politica Lingüistica de la Generalitat de Catalonha.
I an participat setanta personas.
Es alara que comencèt lo concors, amb tres lecturas del tèxt de la Dictada faitas pels professors d’occitan del CAOC Manèl Zabala e Raquel Olivella.
La Dictada finida, una jurada compausada pels professors e pels ensenhaires d’occitan faguèt la correccion dels trabalhs dels participants. Après la Dictada, los participants poguèron gaudir d’un vespralh. A la seguida, danças occitanas e aprèp un concèrt a 17 oras amb la cantant de musica occitana Anais Falcó.
Lo concèrt d’Anaís Falcó.
Fin finala, arribèt lo moment de conéisser los ganhants d’ongan. Los representants de la jurada legiguèron los noms dels diferents premiats, que son:
ADULTES
Primièr prèmi: RAIMON BALAGUÉ PUIG
Segond prèmi: MARC COMAS SILVENTE
Tresen prèmi: FEDERICO MERINO MIR
PROFESSIONAL
Primièr prèmi: PERE JIMÉNEZ MOLINERO
Lo primièr classificat adult ganhèt, en mai dels prèmis balhats a aquel moment, una borsa per assistir a l’EOE ongan, e los altres classificats del concors aguèron de prèmis especials.
Premiats e Jurada.
An collaborat a aquela edicion de la Dictada Occitana los Departaments d’Educacion e de Politica Lingüistica de la Generalitat de Catalonha, Diari Ara, Pagès Editors, CNL de Barcelona – Gràcia, Vent Terral, Lo Grèlh Roergas, Reclams, Éditions des Régionalismes, Editorial Barcanova, Fent País Cooperativa, Grup 62, Plataforma per la Llengua, Publicacions Abadia de Montserrat, Sàpiens Publicacions e Òc Brigada Internacional.