Jornada rescontre e festiva a Bretx

11 Març 2019

Una jornada occitana dubèrta a totes, un rai d’estiu a la debuta de la prima !

L’ocasion per vosautres que sètz jà venguts a las escòlas d’estiu de tornar véser amics, d’escambiar
remembres e fotòs (vos doblidetz pas las claus USB !) ; l’ocasion de convidar amics per los far descobrir
l’ambient de las nòstras escòlas.

Aficha de la Jornada.

E tanben, participar a una fèsta a l’entorn d’una mongetada, seguida d’una vesprada de contes, cants e
musica, danças, per poder somiar… e plan digerir !

Al programa :
A partir de 10h30 : Adissiatz, benvenguts !
11h : Qué de nòu? escambis, charradissas, talhieròts de lenga.
12 h : aperitiu/projeccion fotòs d’escòlas d’estiu.
13 h : repais (mongetada, fromatge, pastís)
14h30 : contes, cants e musica, danças.
17h/17h30 : Al còp que ven, a l’escòla d’estiu !

Tarifa de la jornada amb lo repais : 18 EUR.

Organiza: Escòla Occitana d’Estiu (EOE-IEO 47)

Inscripcions: 05 53 41 32 43 / E-mail : eoe@wanadoo.fr / www.eoe-oc.org


X