Fasètz la Lenga en Cabardés

Dempuèi mai de 25 ans, la debuta de març se marca en Cabardés per la tenguda de la quinzenada d’animacions Fasètz la Lenga en Cabardés, portada per l’associacion del meteis nom. Ongan, los rendètz-vos seràn del dimars 12 al dissabte 23 de març.

Pertocada per l’aigat d’octobre, la comuna de Vilagalhenc es pas en mesura de reçaupre d’animacions per la quinzenada, mas serà l’encastre d’unas jornadas de rescontre amb un grop vocal de las Balears per Total Festum a la fin del mes de junh.

La quinzenada se dobrirà dimarç 12 de març a Argon amb los cantaires de l’associacion Cossí que Siague (18h) e Brassens en occitan pel Felip Carcassés (20h45). Lo dijòus 14, al teatre Na Loba de Puègnautièr, se jogarà la pèça inspirada dels escrits d’Alèm Surre-Garcia Man trobat (20h45) . Lo dissabte 16 de març, Lo Barrut farà restontir sos cants polifonics a Mossolens collectiu-copsec.com/index.php/lo-barrut. Lo dimenge 17, serà consacrat a un talhièr-cosina de matin e una passejada lo vèspre del costat de Ventenac de Cabardés. Lo dimars 19, lo grop Tarabastar animarà la taulejada (19h) a Puègnautièr. Seguirà una conferéncia de Michèu Chapduèlh Gèstes del quotidian e cresenças* (dijòus 21, 20h45, a Argon). Moussu T clavarà aquesta programacion de tria (dissabte 23, 20h45, a Ventenac de Cabardés).

Programa 2019

Ne saber mai : https://fr-fr.facebook.com/fasetzlalenga/

Tèxt tirat de: Ostal Sirventés

X