L’Escòla Occitana d’Estiu festeja sos 50 ans !
Qualques mots en nom del CAOC per felicitar l’EOE amb motiu del cinquanten anniversari. Un cinquanten anniversari es una granda capitada. Se podriá dire que l’istòria de l’EOE e del CAOC an anat de la man, e des del CAOC sempre avèm donat supòrt a aquesta iniciativa màger de la promocion de l’occitan. Ja l’an 1978 Enric Garriga Trullols venguèt a l’Escòla Occitana amb un grop de catalans. Èra la quatrena edicion de l’Escòla. L’an 1980 se ja faguèron classas de catalan e i aguèt musica catalana. Las annadas an anat passant mas lo assistents catalans contunhan. E tanben contunha lo supòrt del CAOC a l’escòla occitana. L’an 2001 decidiguèrem far una borsa d’estudis pels ganhadors de la Dictada e cada an aqueste es lo premi. Tanben es lo premi del ganhador del concors de racontes Enric Garriga Trullols e del nòu concors d’ensages.
Pel CAOC la valor d’aquesta Escòla va mai enlà de l’ensenhament de l’occitan. Es de las solas possibilitats que i a de viure una vertadièra immersion en occitan, es una plaça ont la lenga es viva e se pòt socializar en occitan naturalament. E aquò es tras que important per las personas qu’aimam l’occitan e mai per aqueles que voldrián l’aprene. E mai important encara i a las relacions personalas que s’i fan, l’afrairament entre totes los qui formem part de l’Escòla, e aquò se coneis per aqueles que nos cal de venir cada annada.
Es per aquesta longa trajectòria comuna que al CAOC sentissèm orgulh de la capitada de l’Escòla. Perque 50 ans son un anniversari important mas es pas lo darrièr, es lo primièr de totes los autres anniversaris de la fèsta que volèm celebrar, la dels 100 ans de l’Escòla Occitana d’Estiu. Sonque nos mancan 50 annadas mai, mas es çò que volèm.
Felicitacions! Per molts anys!