Lo diplòma de competéncia en lenga occitana (DCL), session 2023
Lo Diplòma de competéncia en lenga (DCL) es un diplòma d’Estat (estat francés) de competéncia en lenga occitana en mitan professional. Lo DCL occitan permet a tot locutor occitanofòne de certificar sas competéncias linguisticas segon lo quadre europèu comun de referéncia per las lengas (CECRL). Creada per arrestat del 13 de decembre de 2010 dins sa version occitana, aquela certificacion nacionala professionala es gerida per l’Educacion nacionala, tant coma lo DCL breton o còrse !
S’adreiça a totes/-tas : salariat.da, demandaire/-aira d’emplec, estudiant. a particular, estagiari-a en formacion professionala, titular-a en formacion continüa… e es valida a vida.
Dins l’encastre d’un partenariat amb lo Centre nacional del DCL, l’Ofici public de la lenga occitana pren en carga 80% dels fraisse d’inscripcion al DCL occitan.
La session 2023 se desvoloparà lo 26 de mai de 2023 dins diferents centres d’examèn dins las acadèmias de Bordèu, Limòtges, Montpelhièr e Tolosa.
Las inscripcions son dobèrtas fins al 26 de març de 2023.
Sètz interessat/da ? Clicatz aqui per ne saber mai.
📝 Lo passatge del DCL occitan s’efectua a la prima dins los diferents centres d’examens, a Bordèu, Limòtges, Montpelhièr e Tolosa (https://dcl.education.gouv.fr/) mejançant lo pagament dels fraisses d’inscripcion (100 €).
💰 L’Ofici public de la lenga occitana prepausa una ajuda financièra als locutors occitanofònas que desiran certificar lors competéncias linguisticas amb lo DCL dins una amira professionala dins las regions Novèla-Aquitània e Occitània
Tèxt: Ofici Public de la lenga occitana
🚗 Sortida des de Catalunya: Us podeu inscriure al DCL (fins el 26/03/2023) i us podem ajudar a posar-vos en contacte amb d’altres catalans per tal de compartir despeses de viatge amb cotxes particular (caoc@caoc.cat).