Omenatge a Ives Roqueta a Seta

19 Març 2019

Aqueste dissabte 23 de març, a Seta, espaci Palace (14h-23h) : Omenatge a Ives Roqueta

Ives Roqueta, es çò primièr un agach, entièr, prigond. Un agach sus aqueste país de segur, lo Lengadòc, que se’n fa un de sos testimònis mai fidèls . Mas, abans tot, un agach apassionat, visceral, lançat sus l’endevenir de la cultura occitana.

D’aquela occitanitat, aquela faiçon de sentir, de tocar la vida, se’n despartiguèt pas jamai. Foguèt, per cada jorn, sa fòrça viva, sa matritz emocionala que ne gisclèron de grandas esclarzidas, de mots e d’actes lançats a la fàcia del mond.

Escrivan public, poèta del real e dels sòmis, òme de terren e de la pensada, es vengut un actor emblematic del reviscòl militant impulsat dins las annadas seissanta.

Es dins sa vila natala, Seta, que lo Cèrcle occitan e lo CIRDÒC organizan dissabte 23 de març una jornada de testimònis, de rescontras, de lecturas e de projeccions.


Pichona librariá disponibla.

Telecargar lo libret.

Mai d’informacion: https://locirdoc.fr/oc/evenements/jornada-omenatge-a-ives-roqueta/

X