Trobasons

En seguida de la draia marcada per Paraulas en Òc, ven de nàisser Trobasons :  un sit web qu’a per tòca d’amassar tota la musica en occitan. D’efièch, Trobasons prepausa un catalòg de la musica en lenga nòstra classat per artistas, disques e cançons. Sa tòca es de conténer tota la musica en occitan, sens qu’impòrte l’origina nacionala ni la lenga mairala dels artistas, en prepausant, ansin, las paraulas de las cançons, per legir, comprene e aprene a cantar çò que s’escota. E mai i cabon d’àudios e de vidèos ajustats de cèrtas plataformas legalas coma Youtube, Spotify o Deezer, entre d’autras, e lo sit facilita la crompa dels disques o de las cançons a travèrs de las principalas botigas numericas coma iTunes, Amazon o Google Music.

Lo projècte a començat amb un pauc mai de 100 grops, 300 disques e albums e 3000 cançons indexadas, mas lo contengut es a a s’espandir a mesura que s’introdutz mai de referéncias, puèi que se prepausa un sit ordenat e mes a jorn al qual totòm pòt accedir gratuitament.

Legir l’article entièr : https://www.jornalet.com/nova/10814/es-nascut-trobasons-un-sit-quamassa-tota-la-musica-en-occitan

X