Omenatge a Robèrt Lafont e Francés Fontan, lu grands òmes d’Occitània

20 Novembre 2019

L’Assemblada Occitana organiza una jornada d’omenatge en onor de Francés Fontan e Robèrt Lafont, lu doi intellectuaus màgers de l’occitanisme politic.

En aqueste an 2019, commemoram lu 10 ans de la mòrt de Robèrt Lafont (1923-2009) e lu 40 ans de la mòrt de Francés Fontan (1929-1979). Es pròpi important de mostrar cen que li devèm e d’arborar mai que jamai la nòstra determinacion per bastir Occitània.

L’omenatge aurà luec lo dissabta 23 de novembre dau 2019, a 14 oras, a Niça, a la Plaça Garibaldi.

  • 12:00 — Per aquelu qu’o desiran, dinnar au restaurant Giuseppe & pepino, 18 Plaça Garibaldi (per reservacion: telefonatz au 06 46 62 74 93).
  • 14:00 — Dichas e tesmoniatges en omenatge a Robèrt Lafont e Francés Fontan, Plaça Garibaldi, près de l’estatua de Garibaldi.
  • 15:00 — Reünion conviviala a la Maion dei Associacions (Plaça Garibaldi) per parlar dau desvolopament de l’occitanisme. Entretant, presentarem l’Assemblada Occitana e li activitats en País Niçard.

Convidam a participar toti li personas qu’aiman lo país d’Occitània, la lenga occitana e la cultura occitana.

Convidam lu autres movements politics occitans. Li donarem ben volentiers la paraula se desiran intervenir dins li dichas. Lu movements culturaus finda son benvenguts.

Li personas qu’an conogut personalament Francés Fontan e Robèrt Lafon tanben li convidam a s’exprimir.

Insistissèm sobre lo caractèr solemne e digne d’aquela jornada. Organizam un acte d’omenatge e d’esperança.

A aquesta ocasion saludam l’An Robèrt Lafont, organizat dignament per la Generalitat de Catalonha.

Tèxt tirat de: Assemblada Occitana

X