Projècte O.K! Brigada Internacionau
Fa dos ans nos demandèron de far un espectacle festiu amb de cançons catalanas e occitanas. L’Associacion Sèm e Serem se coordinèt amb lo BarnaSants (Festenal de cançon d’autor de Barcelona) e amb l’Estivada de Rodés (Festassa occitana universala) per o far virar. E nos metèrem al trabalh. Es aital que nasquèt “Ò.K! Brigada internacionau”.
Sus la basa i a las voses del Gigi de Niça e delo Stefano de Lou Seriol, del costat occitan; e lo Belda e l’ensemble Badabadoc, del costat catalan. O an enriquit e acolorit lo cant e l’acordeon d’en Joan Garriga e la salvatjariá illustrada d’en Jordi Palau e d’en Carles Biano d’Orxata Sound System. Al delà, d’autres personatges (l’Artur Blasco, la Guida Sellarès, la Laia Vaqué, lo Ferriòl Macip, l’Anna Geli…) nos an ben acompanhatdins los disparièrs aterratges (Barcelona, Tolosa e Rodés).
Avèm cercat dins de libres d’istòria, de cançonièrs e de vinils, de CDs e d’anecdòtas per bastir un repertòri e un bal ont las doas culturas i conviscan amb la naturalitat pertocanta e ara vos o volèm servir en libret-disc. Aital ne poiretz gaudir totjorn e pertot.
Se volètz saber çò que fasèm dins los nòstres viatges e dins las nòstras fèstas vaicí qualques mòstras.
Ané, venètz, que tot pòt contribuir, e cal pas arrestar la bona vida per manca de budgèt!
(Tèxt: http://www.totsuma.cat/projecte/o.k-brigada-internacionau)
Article Ara.cat : L’Ò.K! Brigada Internacional editarà un llibre-disc gràcies al micromecenatge