Recèptas occitanas

18 maig 2020

Los amics de l’IEO Aude nos prepausan doas recèptas per aqueste diluns. Ecritas mas tanben podètz escotar las recèptas contadas en occitan per la Mirelha Braç.

www.shutterstock.com/th/g/fecundapstock

1) Sopa auvernhata

• Per 6 personas, vos caldrà : una mièja-liura de peitrina salada de pòrc, una mièja-liura de peitrina de feda, un caulet pomat, 4 patanas (Bintje), 2 carròtas, un nap, una dòlça d’alh, una ceba, clavèls de giròfle, pebre del molin.

• La velha, botatz la carn a dessalar dins d’aiga per la nuèit. Botatz dins la meteissa topina la carn dessalada del pòrc e la carn de feda que cobrissètz d’aiga freja. Menatz al bolh e ajustatz lo caulet trocejat en 4 o en 6 (segon la grossor). Talhonatz en lescas pas plan espessas carròtas, nap e patanas. Ajustatz una ceba picada de clavèls de giròfle, una dòlça d’alh esclafada e un pecic de pebre. Verificatz que i a pro de bolhon per tot faire cuèire. Daissatz bólher una orada. Tastatz e salatz se necessari. Daissatz cuèire 3 oras a fuòc doç.

Sortissètz la peitrina de feda que secatz abans de la faire saurejar (fr : rissoler) a la padena unas 3 minutas.

Servissètz lo bolhon amb de pan pausat (fr : rassis) e presentatz la carn suls legumes.

Enregistrament Mirelha Braç (IEO Aude)

2) Lo freginat de pòrc

A la carn presa al còl, s’ajusta una talhada de fetge. Cal copar tot aquò en talhonets grands coma doás gravas de sucre pausadas l’una sus l’autra.

Cal far rossir aquela carn e lo fetge dins una cocòta de fonta e revirar amb un culhièr de bois, pro sovent.

Entre temps, picolar una ceba, dos o tres grans d’alh e los far rossir tanben. Susvelhar que la carn, la ceba e l’alh demòren rosses : los laissar pas rumar.

Quand tot es plan rossit dins lo chuc gras que la carn a donat, ajustar pro d’aiga cauda per que la carn pòsca se cuèire. Laissar bolhir a pichon fòc. Perfumar ambe tres o quatre rodèlas de limon e un branquet de ferigola. Salar e pebrar.

Enregistrament Mirelha Braç (IEO Aude)

IEO-Aude
Ostal Sirventés
ostal.sirventes@wanadoo.fr ; ieo11@ieo-oc.org

X